|

Lettres missives qui ordonnent la fabrication de testons et demi-testons par l'atelier monétaire de Saint-Pourçain

1522, 8 mars

Arch. nat., Z1b 61 f° 95r°. Copie

Arch. nat., Z1b 62 f° 196r° et 197v°. Copie

De par le roy. Noz amez et féaulx. Nous avons entendu qu'il y a grant nombre de billon qui habonde par chacun jour en notre ville de Sainct-Poursain et que par faulte que le maistre n'a permission de forger en lad. Monnoye en ensuivant l'ordonnance que avons derrenièrement faicte, nous estans à Troyes, il se transporte grosse quantité dud. billon hors de notre royaume, par quoy avons advisé qu'il sera bon bailler permission aud. maistre de la Monnoye de forger testons et demys-testons du poix et loy dont fut dépeschée derrenièrement lad. ordonnance. A ceste cause, nous voullons et vous mandons très expressement que vous ayez à permectre aud. maistre de lad. Monnoye de notred. ville de Sainct-Poursain de forger desd. testons et demis-testons en ensuivant lad. ordonnance, de laquelle vous luy baillerez ou envoyrez ung double, sy n'y faictes faulte, car tel est notre plaisir. Donné à Paris le huitiesme jour de mars l'an mil cinq cens vingt et ung. Ainsi signé Françoys, Robertet.