|

Lettres missives qui ordonnent la fabrication de testons et demi-testons par l'atelier monétaire de La Rochelle

1523, 7 mars

Arch. nat., Z1b 61 f° 103r°. Copie

Arch. nat., Z1b 62 f° 203r°. Copie

De par le roy. Noz amez et féaulx. Nous avons entendu qu'il vient gros nombre d'or et de marcs d'argent par chacun jour en notre ville de La Rochelle et que par faulte que le maistre n'a permission de forger en la Monnoye en ensuivant l'ordonnance que nous avons derrenièrement faicte, nous estans à Troyes, il se transporte grosse quantité desd. marcs d'argent hors notre royaume, par quoy avons advisé qu'il sera bon bailler permission aud. maistre de lad. Monnoye de faire forger des testons et demis des poix et loy dont fut dépesché derrenièrement lad. ordonnance. A ceste cause vous mandons très expressement que vous ayez à permectre aud. maistre de lad. Monnoye de notre ville de La Rochelle de faire forger desd. testons et demys en ensuyvant lad. ordonnance, de laquelle vous luy baillerez ou envoyerez ung double sy n'y faictes faulte, car tel est notre plaisir. Donné à Sainct-Germain-en-Laye le VIIe jour de mars l'an mil cinq cens vingt-deux. Ainsi signé, Françoys, et Robertet.