|

Lettres missives qui ordonnent la fabrication de testons et demi-testons par l'atelier monétaire de Poitiers

1523, 16 mai

Arch. nat., Z1b 61 f° 109r°. Copie

Arch. nat., Z1b 62 f° 208r°. Copie

De par le roy. Noz amez et féaulx. Nous avons entendu que en notre ville et cité de Poictiers vient et afflue chacun jour argent blanc et cendrées, et à faulte que le maistre de notre Monnoye aud. lieu n'a permission de faire ouvrer et monnoyer en lad. Monnoye des gros testons et demys en ensuivant l'ordonnance que avons derrenièrement faicte, nous estans à Troyes, ainsy que avons permis à plusieurs autres maistres de noz Monnoyes, il se transporte grosse quantité dud. argent blanc hors notre royaume en quoy nous et la chose publicque de notre royaume avons gros intérestz. A ceste cause, voullons et vous mandons expressemens que vous permectez aud. maistre de lad. Monnoye de notre ville de Poictiers de forger desd. testons et demys-testons du poix et aloy qui est contenu en lad. ordonnance derrenièrement faicte, de laquelle vous luy baillerez ou envoyrez ung double affin qu'ilz ne faillent de besongner selon icelle ordonnance sy n'y faictes difficulté, car tel est notre plaisir. Donné à Sainct-Germain-en-Laye le seiziesme jour de may l'an mil cinq cens vingt-troys. Ainsi signé, Françoys, Gedoyn.