|

Mandement des généraux des Monnaies aux gardes de la Monnaie de Poitiers, exécutoire des lettres missives du 16 mai 1523, autorisant la fabrication de testons et demi-testons par l'atelier monétaire de Poitiers

1523, 21 mai

Arch. nat., Z1b 61 f° 110r°. Copie

Arch. nat., Z1b 62 f° 208v°. Copie

Les généraulx conseilliers du roy, notre sire, sur le fait de ses monnoyes. Aux gardes de la Monnoye de Poictiers, salut. Veues par nous les lettres missives du roy, notred. seigneur, à nous adressans dont la coppie est cy-dessus transcripte. Acomplissez le contenu esd. lettres selon leur forme et teneur en observant les articles aussi cy-dessus transcriptes ordonnez pour la continuacion de l'ouvraige des gros testons que le roy, notred. seigneur, a ordonné estre faitz en ses Monnoyes et sur la forme dont nous vous envoyons les patrons, tant desd. gros que des demys, et faictes mectre ès fers sur lesquelz seront monnoyez lesd. gros et demys-testons, tant du costé de la pille que du trousseau, l'ancienne différance de lad. Monnoye. Donné en la Chambre desd. monnoyes, soubz noz signetz, le vingt-ungième jour de may l'an mil cinq cens vingt-troys.