Autorisation accordée par les généraux des Monnaies à Charles Martin, maître particulier de la Monnaie de Bordeaux, pour faire fabriquer en la Monnaie de Bordeaux la quantité de 300 marcs d'oeuvre de petits deniers tournois et 100 marcs d'oeuvre de petits deniers bourdelois

1538, 4 mars

Arch. nat., Z1b 8 f° 323v°. Mention

Sur la requeste verballe faicte au bureau de la Chambre de céans par Charles Martin, maistre particullier de la Monnoye de Bordeaulx, il est permys audit Charles Martin de faire ouvrer, forger et monnoyer en lad. Monnoye de Bordeaulx la quantité de troys cens marcs de petitz deniers tournois et aussi de faire forger, ouvrer et monnoyer cent marcs de petitz deniers bourdeloys et non plus grant quantité, des poix, loy, cours et remeddes contenues ès ordonnances du roy, notred. seigneur. Auquel Charles Martin est prohibé et deffendu de ne faire ouvrer et monnoyer aucune quantité de deniers doubles [tournois] pour aucunes causes mouvans ladicte Chambre.