Lettres missives aux généraux des Monnaies qui ordonnent la fabrication de monnaie noire en Dauphiné

1540, 3 novembre

Arch. nat., Z1b 9 f° 208r°. Copie

De par le roy. Noz amez et féaulx. Avons esté advertiz de la grant nécessité de menue monnoye noire comme doubles et lyardz qui est en notre pays de Daulphiné, au grant intérest de la commune d'icellui pays, et voullans et désirans à ce par nous pourveoir nous en escripvons présentement à ceste fin à noz amez et féaulx les gens de notre Parlement dud. pays dont nous vous en avons bien voullu escripre la présente, par laquelle nous voullons, vous mandons et enjoignons très expressement que vous ayez à mander et permètre aux maîtres de noz Monnoyes dud. pays qu'ilz ayent à faire et forger de lad. menue monnoye noire à suffisance et à la plus grande dilligence que possible sera, et en ce faisant nous ferez service très agréable. Donné à Paris le troysième jour de novembre l'an mil Vc quarente. Ainsi signé, Françoys, et au-dessoubz, Bayard.