Autorisation accordée par les généraux des Monnaies à Bastien de Riberolles, maître particulier de la Monnaie de Paris, pour faire fabriquer en la Monnaie de Paris la quantité de 300 marcs d'oeuvre de petits deniers tournois

1545, 20 février

Arch. nat., Z1b 10 f° 371r°. Mention

Sur la requeste ce jourd'huy présentée en la Chambre de céans par Bastien de Riberolles, maistre particulier de la Monnoye de ceste ville de Paris, requérant luy estre permys comme il luy a esté aultresfoiz de faire ouvrer et monnoyer en lad. Monnoye la quantité de troys cens marcs de petitz deniers tournois. Pour considération du contenu en lad. requeste avons permys et permectons aud. de Riberolles de faire ouvrer [et] monnoyer en lad. Monnoye la quantité de trois cens marcs de petitz deniers tournois à XVIII grains de loy argent-le-roy, qui sont XVII grains ung quart fin [de loy], à II grains dud. argent-le-roy de remedde, et de XXI sols de taille au marc, qui sont IIcLII pièces aud. marc, et de XVIII grains de poix chacune pièce, au remedde d'un grain sur le fort et sur le foible, tellement que à la délivrance ilz ne soient plus foibles de trois pièces pour marc. Lequel ouvraige de petitz deniers tournois il sera tenu faire commencer dedans VIII jours prochainement venant et de quantité de III marcs parachevez dedans karesme, sauf à luy pourveoir de plus grande quantité si besoing est.